24/4/14
Un italiano en Galicia
Algúns me advertides sobre da dificultade de ver "cine distinto" en Ferrol. Pois ben, nesta ocasión podo advertirvos a tempo da proxección no cine Duplex dende o vernes 25 de abril ata o martes 29, en función única as 18 horas, e por un prezo ridículo, da película "9 olas" do talentoso director italiano -mais afincado en Ourense- Simone Saibene, quen con medios moi escasos propónnos unha peculiar viaxe pola Galicia contemporánea na percura da identidade. Non é necesario dispor de grandes medios para amosar miradas persoais sobre a realidade inmediata. O propio director presentará as sesións de cada proxeción e dende o blog invítovos cordialmente a asistir a algunha das proxeccións. Aquí tedes algunhas das ideas que agroman baixo das "9 olas", e aquí unha fermosa e completa entrevista realizada pola xornalista Montse Dopico que vos pode aportar pistas sobre o filme
O fin de semana anúnciase chuvioso, polo que non parece unha mala ocasión para sentárense no cinema; Adrián podería "matar o aburrimento" existencial e ontolóxico que arrastra durante un tempo (xa demasiado), ainda que Pablo vai dicir que é lenta porque él vive moi apresa; Iago -xove promesa do Novo cine galego, podería comprobar que para expresarse có cinema só fai falla decisión e ousadía, e á parella de feito Brandán-Sergio ao mellor pillaría algunha idea orixinal para realizar algún video para Historia de Galicia; A Eva quizais lle amosaría que Galicia ten moitos mais matices interesantes dos que se miran a primeira vista. Ao trío Sergio, Noelia e Elsa que a paisaxe rural é a principal fonte de inspiración para os artistas que nos visitan mentres os galegos a desprezamos. Noelia, Natalia, Laura e María para que entenderan que a percura de un mesmo, pensar e "reiventarse" é unha das tarefas mais importantes da idade na que vivides, para que non se despisten con cuestións epidérmicas e banais e maduren dunha vez con mais fortaleza; Rafael ratificarase no seu, no orgullo da terra e que fora coñécesenos pouco. Alicia comprobará que Galicia é algo mais que a Galicia bonita de lendas e praias fermosas; Carlos sacará a súa retranca tan "nosa" para soltar algunha frase lapidaria das súas e que dará na diana de seguro; David poderá "ensoñar" coas imaxes dunha nova banda sonora á fermosa fotografía do filme. Enfin colegas... que si queredes probar algo diferente, feito dende o corazón e a paixón polo cinema e Galicia, aí tedes unha ocasión de ouro. Polo menos probadea.Aí vai o trailer:
19/4/14
O noso profesor nos Mestre Mateo
Encontrábame hoxe aburrido despois de comer e ocurriuseme buscar a ver si estaba na rede o video no que premiaban a Manolo, debido a que nin me acordei de miralo o sabado pasado. O deixo aquí para se a algún rezagado coma eu se lle olvidou tamén...
9/4/14
Sobre qué escribo?
Xa falamos desto en clase. O pánico diante da folla en branco. Qué escribo?, qué fotografio?, qué filmo?.....Adicado aos que pensades que non tedes nada que aportar e dubidades da vosa capacidade creativa. Como neste relato, eu insisto "No tienes más que hacer una pequeña marca y observar a donde te lleva", porque "todos vos sodes capitáns.."
5/4/14
14/3/14
Encallados, un aire de historia e verdade
Xa comentamos dabondo en clase a peli de Alfonso Zarauza "Encallados", candidato a varios premios nos Mestre Mateo que se celebrarán no mes de abril. Rebeldía, memoria histórica e cinema engellédanse nesta entrevista ao seu director que podedes (e deberíades) ler aquí. Que vos preste, privilexiados..
11/3/14
Maruja Mallo
O outro día falamos en clase da grandísima artista Maruja Mallo. Hoxe fálase na prensa do ronsel da súa obra hoxe. Podes ler a nova aquí e de paso enterarte da traxectoria desta creadora universal
9/3/14
Concepción Arenal
Non podo pasar a ocasión de recomendar o visionado desta película sobre a ferrolana Concepción Arenal, unha das mulleres mais sobraceiras do século XIX español. Podes ver a peli íntegra aquí.
Suscribirse a:
Entradas (Atom)